Sagip-Kalikasan, Sagip-Kinabukasan
Unang Yugto: Paghanga
i
Pagsikat ng araw sa dakong Silangan
Iyong makikita biyaya at yaman
Mula kay Bathala, yaring kalikasan
Paraisong handog sa sangkatauhan.
ii
Luntian ang bundok at ang kaparangan
Gubat ay sagana sa puno’t halaman
Lambak at talampas, kaygandang pagmasdan
Isa itong obrang di mapapantayan.
iii
Singlinaw ng kristal ang tubig sa batis
Kaysarap inumin, malamig, malinis
Ang talon at lawa, sa mata’y pang-akit
Ang ilog at dagat, may pagkaing hatid.
iv
Ibong lumilipad dun sa himpapawid
Pati mga hayop sa lupa at tubig
Lahat ng nilalang, malaki’t maliit
Kadugtong ng buhay, kakawing, kadikit.
v
Malinis ang hangin, kaysarap langhapin
Wala ring kemikal ang bawat pagkain
Kay ayang mamasyal, kaygandang tanawin
Malusog na buhay ang dulot sa atin.
vi
May ngiti ang langit, ulap na busilak
Kalungkutan ay di mo maaapuhap
Simple man ang mundo, Eden man ay payak
Ang kaligayahan ay mahahagilap.
vii
Salamat, Bathala, sa mundong nilikha
Kalikasang tunay na kahanga-hanga
Patunay na puso’y lubos ngang dakila
Gabayan mo kami sa ‘Yong pagpapala.
Ikalawang Yugto: Pagkalugmok
i
Ang tao’y nalulong sa teknolohiya
Masamang epekto’y hindi alintana
Tanging nasa isip, alwan at ginhawa
Pag-unlad, pagsulong, tila makinarya.
ii
Naghasik ng lagim, polusyon sa dagat
Dinamita’y gamit, tinakwil ang lambat
Tuluyang kinalbo ang bundok at gubat
Nakatagong yaman, sadyang binulatlat.
iii
Usok na kay itim mula sa pabrika
Buga ng sasakyan, lason sa kalsada
Bombang atomika’t nukleyar nilikha
Naging bunga nito’y dekadang sinumpa.
iv
Nagngitngit, nagalit, Inang Kalikasan
Ito ba ang bayad sa handog niyang yaman?
Dapat nang kalusin, marapat husgahan
Ibalik sa tao, kanyang kasakiman.
v
Hindi na nga normal, panahon at klima
El Nino, La Nina, salitang pumuksa
Matinding tagtuyot, gutom na sikmura
Mabangis na ulan, sakit at pagbaha.
vi
Pagyanig at lindol, sa bayan gumiba
Bagyo at tsunami, lumunod sa Asya
Pagsabog ng bulkan, sunog sa Europa
Di rin pinaligtas, malalaking bansa.
vii
Pagsupil nga ito, sagot sa kawalan
Walang pakundangan sa paglapastangan
Ng tao sa kanyang sariling tahanan
Salinlahing sunod, anong maiiwan?
Ikatlong Yugto: Pagbangon
i
Imulat ang diwa, kamalayang himbing
Pakinggan ang tinig, sadyang nanggigising
Dakilang pagkilos, atin ngang tugunin
Sagip-kalikasan, banal na mithiin.
ii
Nagkaisang mundo, agad tumalima
Binubugang lason, dapat masawata
Habang may panahon, itama ang gawa
Batang henerasyon, di maging kawawa.
iii
Magtanim ng puno, luntiang kilusan
Muling pagandahin, ang kapaligiran
Basura’y ilagay sa tamang tapunan
Nang di maging bikig sa agos ng ulan.
iv
Simulang tipirin, lakas-enerhiya
Tubig at dagitab, langis, gasolina
Magbanat ng buto, payak na paggawa
At di palaasa sa teknolohiya.
v
Sikaping bawasan bagay na patapon
Linisin, gamitin, basyong lata’t kahon
Mag-aral tuklasin, yamang nakabaon
Iba nilang gamit, hanapin sa bunton.
vi
Munting mga hakbang man kung tutuusin
Kung lahat gagawa ating kakayanin
Ating ipamana, sagradong hangarin
Tao-Kalikasan ay mag-inang turing.
vii
Hawak-kamay tayong suungin ang bukas
Pangalagaan nga itong yamang likas
Dasal at pagkilos sa mundong ibabaw
Buti’y mamalagi, paglubog ng araw.
____________________________
Para sa pakikilahok sa Saranggola Blog Awards ni Sir Bernard. Para na rin sa honeymoon sa Boracay, hehehe. Magustuhan ninyo sana ang mga tula.
Imahe mula sa deviantart.com
base.. nilipad mo ako sa ganda ng iyong tula… 99.99% ka… Syempre dapat ako ang 100%… galing mong gumawa ng tula na may tukma..
hahaha. salamat,,, sumusubok lang…
Aus huh… Okay din pala ang entry mo lipadlaya… Mga magaling pala kau… Lumalabas lng pag may competition…
-
Gandang tula…. Keep it up…! I’m one of your fan…
buti nga me mga ganitong pakulo, nahahasa din kahit paano. sali ka na rin… at salamat uli sa papuri…
Isa kang alagad ng Panitikang Pilipino.
Ang panuntunan sa paggawa ng tula ay nasunod pero ang tuwid na pagpaparating ng mensahe ay siyang pinakamainam na sangkap para maging angat ito sa iba mo pang kalaban.
Malawak ang nasakop ng iyong tula Sir.
naibigan ng kulisap ang gawa ko…. kakataba ng puso…
salamat po,,, salamat po…
waaa! kayo na ang magaling!..hahahaha
ang husay, promise!
hahaha. lahat tayo magaling… tenk yu…
Hi. Hello. Okay okay. Kanino kang anak? Ang galing mo. Naiinggit ako sa mga blogger na may entry na para sa Saranggola.
anak po ako ng wikang Filipino… hehehe.
sali ka na rin… matagal pa naman yung deadline e… ihataw na yan…
May isa pang patimpalak ang PEBA.
Nadalaw mo na ba ang kanilang site?
Puntahan mo na at alamin ang mga alituntunin.
salamat sir, napuntahan ko na… sige,, pag isipan kong sumali…
Sa mga karanasan mo, para ka lamang nagkukuwento sa isang matalik na kaibigan kung kaya’t hindi ka na papahirapan pang mag-emote.
Marami ‘yan.
Go Sir Lipadlaya.
naman! ang galing nito kaibigan!
sa balangkas at tindig pa lang ng mga tula tunay nga naman na kaabang-abang ang bawat yugto, ang gusto ko dito ay yugtong PAGBANGON
kasi alam natin na babangon tayo dahil sa ayaw at sa gusto natin ang inang kalikasan ay may ikakabuti pa kung paano tayo humanga sa kanya ng una.
Magandang mensahe, diretso at higit sa lahat maganda!
God bless sa kontest sir!
pakisuportahan sa PEBA sir (plugging ahahaha)
be blessed po!
mabuhay ang mga OFW!
oo nga,,, di pa ako nakaboto pero napuntahan ko na yung entry mo… kakainspire… mabuhay ang mga bagong bayani….
musta pong,,,, salamat naman at nagustuhan mo. Tama ka… sa ayaw at sa gusto natin,,, kelangan nating kumilos upang maisalba ang ating kalikasan at kinabukasan… god bless din…
natuwa ako sa pagkakadugtong ng bawat tula at sa pag-asang iniwan na may magagawa pa tayo.
sir, tenk yu… may bukas pa… hehehe.. may pag-asa pa…
ang ganda talaga ng tulang may tugmaan, hindi ito madaling gawin..
apir sa mapagbukas isip mong lahok.
oo naman, mahirap talaga gawin to… kasi naman kelangan mo talagang mag isip ng mga salitang sakto sa bilang,kahulugan at tunog para makabuo ng disenteng tula… gudlak sa atin…
napakaganda nito.
sa tatlong tulang napag dugtong dugtong,walang dudang tunay na makakalikasan ang himig ng puso mo at isip.
kinararangal kong nakilala ka,at maging taga hanga sa husay mo sa panula’t lalo na sa panulaan,kaibigan!
sir duking,,, panalo tayo lahat dito… magmulat pa lang ng kaisipan ng mga mambabasa,yun ang tunay na premyo…
ako din, natutuwang makilala ang mga taong malulupit pagdating sa pagsulat… inaabangan ko rin parati ang mga posts mo…
ngayon ko lamang nabasa ito. ang ganda ng tugmaan, klasikong istilo ng pagtula at ang mensahe at nilalaman napakaganda. ang hirap pagdugtungin ng tatlong yugto pero nagawa mo pa rin. Ang lawak ng pag-iisip mo hinahangaan kita at ang iyong mga likha. ipagpatuloy ginoo.
napakagaling nman po talaga ng tula niyo lipadlaya kahanga hanga saktong sakto at kaaya ayang basahin nkakatulong pa sa inang kalikasan, keep up the good work po!!!
ganda.. ^_^