Major Major

 Breathtaking situation happened yesterday, August 23, 2010 at Quirino Grandstand, Manila Philippines after an ex- Police senior inspector Rolando Mendoza, took 25 people hostage aboard a bus including 22 Hong Kong tourist, a Filipino driver, a Filipino tour guide and Tse, the tour’s Hong Kong tour guide.Noong Agosto 23, nasaksihan ng buong mundo ang hostage drama sa Pilipinas at ang Miss Universe pageant sa Las Vegas. As of today, wala pa ring inilalabas na rating ang AGB at TNS/Kantar kung alin ang mas tinutukan ng nakararaming Pinoy.

*****

San Pedro: What is one big mistake that you did in your life?

Mendoza: Siguro yung panghohostage po ng mga turista sa Pilipinas?

San Pedro: and what did you do to make it right?

Mendoza: Yun nga po e, they did not give me a chance.

*****

Nainterbyu na rin ang ilan sa mga survivor ng hostage drama. Ang unang tanong daw sa kanila ay “Anong channel ang pinanood nila sa bus?”at ang second question daw ay “What is one big mistake that you did in your life and what did you do to make it right?”

*****

Sabi ng iba, dapat daw ang isinagot ni Venus Raj sa tanong sa kanya ay ang paghahanap sa father niya para mas personal. Sabi ko naman, dapat World Peace na lang.

*****

Q: Ano sa tagalog ang Major Major?

A: E ano pa, e di bongang- bongga.

Q: Ano daw paboritong Constellation ni Venus?

A: e di Ursa Major.

Q: Sino daw paboritong artista ni Venus?

A: E di si Major-ie Barreto.

Q: E ano daw part time job ni Venus?

A: E di Majorette.

Q: Ano daw favorite movie ni Venus?

A: E di Major Payne.

Q: E favorite sports?

A: Baseball.

Q: Ha, Bakit?

A: Kasi Major League.

*****

Hindi sana tatagal ng halos 12 oras ang hostage drama last Monday kung nakialam lang sana si Bong Revilla o Robin Padilla. Sige na nga, pwede na rin si Lito Lapid.

*****

Major Problems sa Imahe ng mga Pulis

3. Yung image nilang mangongotong

2. Yung image nilang di makatao (o pagtotorture)

1. Yung image nilang walang alam sa paghandle ng hostage crisis

*****

New Meaning of SWAT

SWAT – Sorry Wala Akong Training

SWAT – Sugod. Wait. Atras. Tago

*****

Bakit kailangang magsisihan?

Sinisisi ng publiko ang pulis sa kabagalan at kawalan ng mahusay na plano sa nakaraang hostage taking noong nakaraang Lunes. Sinisisi ng pulis ang media dahil sa pagbibigay ng blow by blow na account dahilan para malaman ni Rolando Mendoza ang ginawa sa kanyang pamilya. Sinisisi ng ilan ang gobyerno sa pananahimik sa panahon ng kaguluhan. Sinisisi nila ang drayber dahil pinapasok niya ang hostage taker sa bus. Sinisisi ng mga nasa bahay na nanood ng coverage ang mga usisero at usisera sa Quirino. Nagsisisi marahil ang mga turistang nalagay sa napakapanganib na sitwasyon kung bakit sa Pilipinas pa sila nag tour.Hindi natin magawang sisihin ang hostage taker na nagsimula ng lahat. Kailan man, hindi karahasan ang sagot sa problema. Ganyan ang Pilipino, hindi naninisi ng patay.

*****

Seryoso Mode.

Kasaysayan na lang ngayon ang lahat. Maraming tayong natutunan sa nangyaring hostage taking ng mga turista na hangad lang ay makita ang ganda ng Pilipinas. Nalaman natin ang kakulangan ng pulisya at gobyerno sa paghawak ng ganitong kaso. Nabatid natin na may masamang dulot din ang pagkakaroon ng blow by blow account sa ganitong sitwasyon. Ngayong natukoy na natin ang ating kahinaan, ano ang susunod nating hakbang?

Nakapanghihinayang na hindi nakuha ni Venus Raj ang naturang korona sa Miss Universe Pageant. Nakapanghihinayang na hindi niya nagamit ang wikang sarili na malamang naglagay sa kanya sa kasaysayan. Anu’t anu pa man, binabati pa rin natin si Venus. Ang panalo niya, bagaman may bahid na pangungutya ay dumating sa panahong kailangan ng Pilipinas ng panghilamos sa maduming mukha noong Agosto 23.

Hanggang sa susunod na laban ng Pilipinas, sa kagandahan man o kaguluhan!

Advertisements

11 thoughts on “Major Major

  1. Minsan masyado tayong judgemental sa mga tao. how we judge the hostage? how we judge VENUS? But come to think of it. do we do a real score to change this nation? do we have a passion to stand and proclaim that every one needs a change. Di sa gobyerno magsisimula ang pagunlad at pagbabago kundi nasa mismong PILIPINO na bumubuo nito

  2. kung kaya nating ipagmalaki si venus,dapat din tayong mahiya kay mendoza.

    ang pagka flipino natin ay ang mismong kabuuan ng ating tagumpay at pagkukulang.hindi na kailangang pangatwiranan pa ang pagkukulang.hindi kailangang maging sensitive sa sasabihin sa atin ng mundo dahil sa puna na nangyari sa hostage crisis.

    pagkakataon na natin ito para itama ang lahat ng pagkukulang.

    igan,isinama nga pala kita sa blogroll ko.salamat!

    1. tama yun, sir duking.. tayo ay tayo, sa linis o dungis na meron sa ating pagkatao.

      wake up call sa atin ang nangyari. Sana nga lang, magising talaga tayo.

      salamat, dati pa kita na add, hehehe.

  3. It’s nice to read something like this. You weigh the good and the bad. You give hope and inspire Filipinos to move forward and to be a better citizens.

    Tama ka ang lahat ng ito ay parte na ng kasaysayan. Sana man lang matuto na ang lahat sa nangyari. Sa ngayon wala ng time para magsisihan, the damage has been done. We cannot reverse the universe.

    Kay Venus Raj…. salamat sa major major effort na binigay mo. Marami nagsabi mahirap nga naman ang tanong sa kanya… even one of the former president of a strong country failed to answer it right.

    Tayo kaya tanungin what is our major problem? Ano kaya isasagot mo?

  4. nakakalungkot na pagkatapos ng mga pangyayaring yan.. nagsisipaglabasan ang mga paninisi.. sana huwag nalang mag sisihihan diba… tignan naten yun mga lessons na dapat matutunan sa mga ganitong bagay.. nag sisipaglabasan yun mga magagaling sana ganito sana ganyan.. habang sila wala naman doon.. hay nakoooo nakakairita

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s