Mabuhay! Ako ang Tinig ng Pilipino.
Ako ang Tinig ng Kasaysayan. Ang sigaw ng mga bayaning nagbuwis ng buhay para sa Inang Bayan. Ang taginting at ingaw ng tabak ni Bonifacio at ang ingay at talas ng panulat ni Rizal.
Ako ang Tinig ng Karangalan. Ang sigaw ng pagmamalaki ng mga atletang nagmarka ng mapa sa larangan ng palakasan. Ang tuwa ng mga alagad ng Sining at Siyensyang nag-ukit ng kasaysayan. Ang ngiti ng mga Pilipinang nag-uwi ng korona sa timpalak-kagandahan. Ako ang Tinig na pagmamay-ari ng lahing kayumanggi!
Ako ang Tinig ng Manggagawa. Ang usal ng mga OFW na construction worker, DH, inhinyero, nars at doktor saan mang panig ng mundo. Ang boses ng tindera sa palengke, call center agents, guro, magsasaka, mangingisda, maging ng mga de-kurbatang alipin ng mga dambuhalang kompanya. Ang tinig ng Pilipinong nag-aalay ng dugo’t pawis para sa kinabukasan ng pamilya.
Ako ang Tinig ng Pakikibaka. Ang boses ng mga raliyista sa kalsada at tungayaw ng mga nagbabanggaang-puwersa. Ako ang Tinig ng mga walang Tinig, na inaapi, inaabuso at tinatapakan. Ako ang bulyaw – mula sa pinaghuhugutang hinagpis, daing at hikbi sa tanikala ng kahirapan at kawalang –pag-asa.
Ako ang Tinig ng Pagbabago. Ang Tinig ng EDSA na nagpatalsik ng mga mapang-abusong rehimen. Ang Tinig sa husgado na nagsakdal sa mga tiwaling pulitiko. Ang boses ng masang unti-unting nagigising sa usaping panlipunan. Ako ang text, video at blog, ang mata at tainga ng sambayanan laban sa sinumang lalabag at magsasamantala sa aking lahi, sa aking karapatan, sa aking pagkatao, sa aking pagka-Pilipino.
Ako ang TINIG ng PILIPINO. Dadaan ang araw, ako’y mamamalat, mamamaos, mababasag. Marahil, dulot ng sakit at sakunang dulot ng kalikasan at gawa ng tao. Darating ang araw, ako’y sintunado at wala sa tono, marahil, dulot ng bulok na sistema, ng suliraning pulitikal at pang-ekonomiya. Magkagayunman, hindi ako mawawala. Mananahimik man pansamantala, sapagkat kailangan. Baka may bulong sa sariling hindi naririnig. At pagkatapos, saka muling manggigising.
Sapagkat. Ako ang TINIG ng PILIPINO. Malaya. May pagmamalaki. May pag-asa. Patuloy na aawit para sa Pagbabago tungo sa kaunlaran nitong Inang Bayan.
_____________
Lahok para sa KM3 ni J. Kulisap.
Lipadlaya 
mahusay!!! grabe… ang galing nio sir! 😀 goodluck po..
good luck sa atin,,,
maraming klase din ng tinig ang naibulalas mo dito, adre.. galing.. good luck
maraming tinig,, harinawang parating may nakikinig… salamat…
ikaw, ako, sila, tayo lahat ang tinig. bulong man, utal o paos. maibubulas ang nais na ipahiwatig..
mahusay po sir.. lahat halos na aking nabasa eh kagagaling 🙂
oo nga,, binisita ko na rin sila… nag level up lahat,,, good luck sa mga hurado…
galeng!
salamat..
ang ganda nito sir! may laban ito!
nasa kamay ng mga hurado yan,,, pero sa pagbisita ko sa lahat ng lahok… ang lulupet ng mga entries..
[…] 36. Lipadlaya- Qatar […]
Goodluck sir erwin 🙂
galing nyo po talaga!
walang kupas 🙂
parang ikaw,, hihihi
bolero u … lol :p
sa wari ko’y muli naman itong magwawagi…hehehe
sir, lahat ay magagaling.. tiyak na mahihirapan ang mga hurado…
napadaan para sabihing isa ‘to sa pinakanagustuhan kong akda ng km3, walang halong buladas. ngayon pa lang, binabati na kita ser.
uy, salamat sa papuri.. iba ang dating kapag galing sa isang batikan. Alam kong kapag galing sa yo, totoo at walang halong buladas…
ang galing galing galing!!! yun lang ang aking masasabi…. bow…
salamat po…
Nice Piece of Work! 🙂
salamat…
Fly High and Mighty…. My Fellow EAGLE 🙂
lipad lang nang lipad… haribon… sa malayang kalawakan ng blogosphere..
mabuhay ka good luck po!!
salamat, sir..
Lubos ang aking pagkakaunawa sa tinig na ipinaparating mo dito sa iyong akda. Kailanma’y hindi mawawala ang tinig ng Pilipino. Maaaring mamaos sabi mo nga pero hindi maglalaho dahil ito ay ang buhay na magpapaigting sa pagkakaisa ng bawat Pilipino dito man o saan mang sulok ng mundo kung saan may Pilipino.
Maraming salamat sa patuloy na pagtangkilik sa KM. Mabuhay ka!
iba ang hamong ibinibigay ng bawat pakulo mo.. napakagaling…
ganyan nga, ang tinig ng Pilipino,,, kailan man ay di mawawala…
[…] 36. Lipadlaya- Qatar […]
kahit kailan di ako nagduda na papasok ang sinulat nyo. Sabi ko either ikaw o si kuya pong. Congrats ulit!
oo nga, maganda din ang gawa ni pongskie..
uy, congrats din sa iyo…
hanggaling nito! karapat dapat sa unang karangalan :)))
Ang galing 😀 Congrats sa pagkapanalo! Walang duda, iyong iyo ang karangalan 😀
tenkyu po..
CONGRATS sa TINIG nyo!
salamat, imot… uy, ang ganda din ng mga gawa mo a… galing ako dun… hehehe
congrats sir!
congrats sa pagkapanalo mo…
thanks, arvin…
Nagpadala ako ng email Sir Lipadlaya. Maraming salamat po.
ako na ang napaka late magreply,,,, sir Jkul,,, walang hanggan ang aking tenk yu sa iyo… muwah…
Congrats My Fellow Eagle 🙂
The Eagles Will Soar higher and higher!!!
It was destined to be… 🙂
thanks, ka-lipad…
Congrats, kapatid! Ire ga ang piyesang nanalo? O, ha, paano ba ‘yan, walang-wala? ^^ Wala man lang pa-kape dine? Ay, sus… At wala ring bagong posts, kainaman… ^^
Huwag gay-on… Masamang ugali iyong may mga nadating ay wala man laang maialok, as in. Kailanga’y pirming may nakalagang kape, aba ay… Paano pag may nasinsay, maglalaga laang ng mga lumang kwento? Ay, maski pa tuusin mo…^^ hello, LL! 😉
salamat po ulit…
oo nga e, nakakahiya nga pag gay-on.. inisip ko nga, bakit kaya si Saliw,ang sipag magpost? At hindi lang basta-basta post a… lahat worth-reading at punumpuno ng kaalaman.. pahingi nga ako ng sipag.. at galing na din, hehehe.
pwede po bang hingin ang pangalan ng gumawa ng talumpating ito? nawa ay malaman ko po ang pangalan niya. salamat po.
Salamat po… Erwin Aguila po..
MAGANDANG PIYESA AT MAARING GAMITIN SA PAGTUTURO AT MGA GAWAIN BILANG PRESENTASYON SA PAARALAN KUNG INYO PONG PAHIHINTULUTAN. maraming salamat sa malaman at madamdaming likha ninyo.